-->

ផ្សាយពាណិជ្ជកម្ម
<<...CHORN TV ONLINE មានទទួល ផ្សាយពាណិជ្ជកម្ម គ្រប់ប្រភទ/អាស័យដ្ឋាន/ទីស្នាក់ការកណ្តាល / ភូមិ ត្រើយ ទន្លាប់/ ឃុំ ព្រះបាទ ជាន់ជុំ / ស្រុក គីរីវង្ស / ខេត្តកែវ / ទំនាក់ទំនង /Te: 017441955 / 0973801217 /087506436...>>


ផ្សាយពាណិជ្ជកម្ម
<<...CHORN TV ONLINE មានទទួល ផ្សាយពាណិជ្ជកម្ម គ្រប់ប្រភទ/អាស័យដ្ឋាន/ទីស្នាក់ការកណ្តាល / ភូមិ ត្រើយ ទន្លាប់/ ឃុំ ព្រះបាទ ជាន់ជុំ / ស្រុក គីរីវង្ស / ខេត្តកែវ / ទំនាក់ទំនង /Te: 017441955 / 0973801217 /087506436...>>

KKKចំនួនអ្នកទស្សនា: Views

អគ្គនាយករង នៃអគ្គនាយកដ្ឋានសម្ភារៈបច្ចេកទេស តំណាងឲ្យក្រសួងការពារជាតិ ដែលមានសម្ដេចសេនាពិជ័យ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងនាយឧត្តមសេនីយ៍ ចៅ ភិរុណ អគ្គនាយក នៃអគ្គនាយកដ្ឋានសម្ភារបច្ចេកទេស ក្រសួងការពារជាតិ បានចុះមកកាន់វេនភ្ជុំបិណ្ឌ វេនទី៨ មានចិត្តរំភើបរីករាយ និងការផ្ដាំផ្ញើសួរសុខទុក្ខពីសំណាក់ ជួរថ្នាក់ដឹកនាំ ក្រសួងការពារជាតិ និងពីសំណាក់អភិបាលខេត្ត ជាវ តាយ និងលោក ជឹង ផល្លា ប្រធានក្រុមប្រឹក្សាខេត្តកំពត សួរសុខទុក្ខដល់ប្រជាពលរដ្ឋ ទាំងព្រះសង្ឃ លោកតា លោកយាយទាំងអស់គ្នា ដែលមានវត្តមាននៅទីនេះ។
ក្នុងឱកាសនោះដែរ លោកឧត្តមសេនីយ៍ឯក មាស ប៊ុនឡី បានកោតសរសើរ ចំពោះអាជ្ញាធរថ្នាក់ដឹកនាំ កងកម្លាំងប្រដាប់អាវុធគ្រប់ថ្នាក់ គ្រប់ផ្នែក រួមនិងប្រជាពលរដ្ឋ ព្រះសង្ឃ ក្នុងមូលដ្ឋានពិសេសក្នុងខេត្តកំពតទាំងមូល ដែលបានសហការគ្នាយ៉ាងល្អប្រសើរ ក្នុងដំណើរកិច្ចអភិវឌ្ឍន៍ហេដ្ឋារចនាសម្ព័ន្ធទាំងវិស័យពុទ្ធចក្រ និងអាណាចក្រ រក្សាបាននូវស្ថេរភាពសន្តិសុខ សណ្ដាប់ធ្នាប់សាធារណៈក្នុងសង្គម ធានាបាននូវ សុខសុវត្ថិភាព និងការរស់នៅរបស់ប្រជាពលរដ្ឋប្រកបដោយជីវភាពសុខដុមរមនាយ៉ាងពិតប្រាកដ ក្នុងមូលដ្ឋានខេត្តកំពត។
លោកឧត្តមសេនីយ៍ឯកបានបន្តបញ្ជាក់សង្កត់ធ្ងន់ទៀតថា ភាពរីកចម្រើនរបស់ប្រទេសជាតិ និងការរស់នៅរបស់ប្រជាពលរដ្ឋ ក្នុងក្ដីសប្បាយរីករាយ និងលូតលាស់រីកចំរើនទាំងអស់ដូចសព្វថ្ងៃនេះ គឺផ្ដើមចេញនូវមូលដ្ឋានគ្រឹះ នៃនយោបាយឈ្នះឈ្នះក្រោមម្លប់នៃសុខសន្តិភាព ដែលដឹកនាំដោយសម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា។ បច្ចុប្បន្ននេះប្រទេសជាតិយើង ទទួលបាននូវបូរណភាព ឯកភាពជាតិទឹកដី និងប្រជាជនទទួលបាននៅសិទ្ធិសេរីភាព គ្រប់គ្រាន់ ដោយបានផ្ដល់សិទ្ធិក្នុងក្របខ័ណ្ឌច្បាប់ជូនអង្គការសមាគមជាតិ អន្តរជាតិ សហគមន៍មូលដ្ឋាន
សម្រាប់រួមចំណែក ក្នុងកិច្ចចូលរួមអភិវឌ្ឍប្រទេស តាមរបបលទ្ធិប្រជាធិបតេយ្យសេរីពហុបក្សយ៉ាងពេញបរិបូណ៌។
ដោយឡែក សម្រាប់សមិទ្ធផលនានានៅមូលដ្ឋានក្នុងឃុំកោះតូចស្រុកទឹកឈូនេះ លោកឧត្តមសេនីយ៍ឯក មាស ប៊ុនឡីក៏បានវាយតម្លៃ និងកោតសរសើរ ពីភាពរីកចម្រើននិងមានការអភិវឌ្ឍន៍ ធ្វើឲ្យជីវភាពប្រជាពលរដ្ឋ ធូរធារគួរឲ្យកត់សម្គាល់។ ជាក់ស្ដែងមានការអភិវឌ្ឍន៍ហេដ្ឋារចនាសម្ព័ន្ធក្នុងតំបន់ ក៏ដូចជាក្នុងសហគមន៍ ពិសេសក្នុងនោះដែរ សមទ្ធិផលនៅក្នុងវត្តព្រែកអំពិលនេះ ក៏មានការរីកចម្រើន ក្រោមកិច្ចខិតខំរបស់ព្រះសង្ឃប្រជាពុទ្ធបរិស័ទជិតឆ្ងាយ ថ្នាក់ដឹកនាំ និងសប្បុរសជននានា ក្នុងន័យចូលរួមចំណែកបម្រើវិស័យពុទ្ធសាសនា ដែលជាសាសនារបស់រដ្ធឲ្យបានកាន់តែរុងរឿងប្រសើរឡើងថែមទៀត។
លោកក៏បានអំពាវនាវផ្ដាំផ្ញើដល់ អាជ្ញាធរ ប្រជាពលរដ្ឋកងកម្លាំង ក្នុងមូលដ្ឋាននៃឃុំកោះតូចទាំងមូល សូមឱ្យបន្តចូលរួមកិច្ចសហការគ្នាឲ្យបានកាន់តែសកម្មថែមទៀត ក្នុងការថែរក្សាសន្តិសុខសណ្ដាប់ធ្នាប់សង្គម ពិសេសសុខសន្តិភាពដែលរកបានមកដោយលំបាក និងត្រូវជម្រុញការចូលរួមសហការក្នុង កិច្ចអភិវឌ្ឍមូលដ្ឋាន ឲ្យបានកាន់តែរីកចំរើនបន្ថែមទៀត។ ពិសេសចូលរួមសហការជាមួយក្រុមហ៊ុនវិនិយោគក្នុងកិច្ចអភិវឌ្ឍកំពង់ផែ នៅក្នុងតំបន់នេះឲ្យបានល្អ ដើម្បីផ្ដល់ការងារដល់កូនចៅនិងធ្វើឲ្យកំណើតសេដ្ឋកិច្ចជីវភាពគ្រួសារប្រជាពលរដ្ឋ បានកាន់តែល្អប្រសើរថែមទៀត។
ក្នុងឱកាសនោះ លោក មាស ប៊ុនឡី និងលោកស្រីជាភរិយា ហ៉ឹម ច្រឹប ព្រមទាំងសហការី ក៏បានវេរប្រគេនទេយ្យទាន ប្រគេនព្រះសង្ឃ ១០អង្គ ក្នុងមួយអង្គទទួលបានថវិកា ៥ម៉ឺនរៀល និងរក្សាទុកថវិកា ១០០០ដុល្លារ, អង្ករ ៥បាវ, មី ២កេសធំ ១២កេសតូច, ទឹកត្រី ៥យួរ, ទឹកស៊ីអ៊ីវ ៥ឡូ, ភេសជ្ជៈ ៥កេស, ទឹកសុទ្ធ ៥កេស ស្លាដក ចំនួន ១០ និងសាប៊ូ។ ព្រមជាមួយគ្នានេះដែរ លោក មាស ប៊ុនឡី និងភរិយា ក៏បានចែកអំណោយដល់យាយជី តាជី ពូមីងបងប្អូនប្រជាពលរដ្ឋ និងកុមារតូចៗចំនួន ៤៥០គ្រួសារ មានសារុង ៥០០ និងថវិកា ៣ម៉ឺនរៀលក្នុងម្នាក់ៗ និងផ្ដល់ថវិកាជូនឃុំកោះតូច ៣០ម៉ឺនរៀល, សាលាស្រុកទឹកឈូ ៤០ម៉ឺនរៀល, ជូនប៉ុស្តិ៍រដ្ឋបាលឃុំកោះតូច ចំនួន ៣០ ម៉ឺនរៀលដល់, ជូនកម្លាំងទាំងបីប្រភេទនិងប្រជាការពារ ៥០នាក់ ក្នុងម្នាក់ ៥ម៉ឺនរៀល៕

ក្រសួងសុខាភិបាល ច្រានចោលទាំងស្រុងនូវការចុះផ្សាយរបស់សារព័ត៌មានវៀតណាម ដែលថាមានជនជាតិវៀតណាម៣នាក់ ឆ្លងជំងឺកូវីដ-១៩ ចេញពីកម្ពុជា

KKKចំនួនអ្នកទស្សនា: Views

សូមបញ្ជាក់ថា កាលពីថ្ងៃទី០៨ ខែកញ្ញា ឆ្នាំ២០២០ កន្លងទៅនេះសារព័ត៌មានវៀតណាម VN Express បានចុះផ្សាយថា ជនជាតិវៀតណាមចំនួន៣នាក់ ដែលត្រឡប់មកពីកម្ពុជា កាលពីថ្ងៃទី២៥ និង២៦ ខែសីហា ឆ្នាំ២០២០ តាមច្រកម៉ុកបៃ ខេត្តតៃនិញ ត្រូវបានរកឃើញមានវីរុស COVID-19៕

ការិយាល័យប្រឆាំងគ្រឿងញៀនរាជធានីភ្នំពេញ តាមស្រាវជ្រាវបង្ក្រាបជន២នាក់ ដកហូតថ្នាំញៀន និងរថយន្ដទំនើប

KKKចំនួនអ្នកទស្សនា: Views

បើតាមការបញ្ជាក់របស់លោកវរសេនីយ៍ឯក រ៉ឹម ម៉ិច នាយការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញដែលអ្នកយកព័ត៌មានអង្គភាព Fresh News លោក ហាស់ កំសាន្ដ ទទួលបាននៅថ្ងៃទី១០ ខែកញ្ញា ឆ្នាំ២០២០នេះ គឺប្រតិបត្តិការនៃការតាមស្រាវជ្រាវបង្ក្រាបបានអនុវត្តឡើង ស្ថិតនៅចំណុចហាងកាត់សក់ ផ្ទះលេខ E51 ផ្លូវបេតុង ក្រុមទី១ ភូមិព្រៃទារ១ សង្កាត់ចោមចៅទី៣ ខណ្ឌពោធិ៍សែនជ័យ និងស្ថិតនៅនៅចំណុចមុខហាងម៉ាស្សាCK ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ហើយនិងស្ថិតនៅចំណុចក្នុងចំការពោត ផ្លូវលំ ភូមិឈើទាល ឃុំឈូក ស្រុកឈូក ខេត្ដកំពត នាថ្ងៃទី៨-៩ ពោលគឺរយៈពេល២ថ្ងៃជាប់គ្នា ខែកញ្ញា ឆ្នាំ២០២០។
លោកវរសេនីយ៍ឯក រ៉ឹម ម៉ិច បញ្ជាក់ថា ជនសង្ស័យដែលកម្លាំងការិយាល័យជុំនាញតាមបង្ក្រាបបានក្នុងករណីជួញដូរគ្រឿងញៀននេះទី១-ឈ្មោះ កុត សារេង ភេទប្រុស អាយុ៣៦ឆ្នាំ ជនជាតិខ្មែរ មុខរបររត់តាក់ស៊ី ស្នាក់នៅផ្ទះជួល ភូមិព្រៃព្រីងខាងត្បូង សង្កាត់ចោមចៅទី២ ខណ្ឌពោធិ៍សែនជ័យ។ ទី២-ឈ្មោះ ចាន់ សុភ័ក្រ ភេទប្រុស អាយុ៣២ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅបន្ទប់ជួល ភូមិព្រៃទារ សង្កាត់ចោមចៅទី៣ ខណ្ឌពោធិ៍សែនជ័យ។ ទី៣-ឈ្មោះ ស៊ឹម សេរី ភេទប្រុសអាយុ៣០ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនចិន ស្នាក់នៅបន្ទប់ជួលលេខ B6 ភូមិព្រៃទារ សង្កាត់ចោមចៅទី៣ ខណ្ឌពោធិ៍សែនជ័យ។ ឯទី៤-ឈ្មោះ ហេង សុខឃីម ភេទស្រី អាយុ៣៤ឆ្នាំ ជនជាតិខ្មែរ មុខរបរ កសិករ បច្ចុប្បន្នស្នាក់នៅផ្ទះគ្មានលេខ ផ្លូវជាតិលេខ៣ ភូមិយាយឡ ឃុំត្រាំកក់ ស្រុកត្រាំកក់ ខេត្ដតាកែវ។
លោកវរសេនីយ៍ឯក រ៉ឹម ម៉ិច បញ្ជាក់ទៀតថា ក្នុងរង្វង់ប្រតិបត្តិការបង្ក្រាបជាក់ស្ដែង និងឈានដល់ការបន្តតាមស្រាវជ្រាវបង្ក្រាបករណីគ្រឿងញៀននេះដែរ គឺបានអនុវត្តឡើងតាមវិធានការជំនាញជំហ៊ានដំបូង ដោយសារការចង្អុលបង្ហាញពីជនសង្ស័យឈ្មោះ វ៉ន ឯម ដែលមុខរបររើសអេតចាយ ទើបលោក ឆាយ ហុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដឹកនាំកម្លាំងចុះបង្ក្រាប និងឃាត់ខ្លួនជនសង្ស័យឈ្មោះ ចាន់ សុភ័ក្រ ដែលមានមុខរបររត់ម៉ូតូឌុប នៅខណ្ឌពោធិ៍សែនជ័យ ហើយដកហូតបានម៉ូតូ១គ្រឿង និងទូរស័ព្ទដៃ១គ្រឿង។
លោកវរសេនីយ៍ឯក នាយការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ បញ្ជាក់បន្ថែមថា ស្ថិតក្រោមការដឹកនាំរបស់លោកឧត្តមសេនីយ៍ទោ ហួត ចាន់យ៉ារ៉ាន់ ស្នងការរងទទួលផែនការងារប្រឆាំងគ្រឿងញៀន និងការបញ្ជាផ្ទាល់ដោយឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ដែលមានការអនុញ្ញាតពីលោក ឆាយ ហុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ផងនោះ នៅក្នុងរង្វង់នៃកិច្ចប្រតិបត្តិការបន្តបង្ក្រាបគ្រឿងញៀននេះ, កម្លាំងការិយាល័យជុំនាញ បានឈានដល់ការឃាត់ខ្លួនជនសង្ស័យឈ្មោះ ស៊ឹម សេរី ដែលមានមុខរបរជាបុគ្គលិកក្រុមហ៊ុនចិន នៅមុខហាង ម៉ាស្សាCK ខណ្ឌសែនសុខ ដែលជាអ្នកទទួលយកកេះវត្ថុតាង (គ្រឿងញៀន) ទៅវិញ» ពីឈ្មោះ កុត សារេង មានមុខរបររត់តាក់ស៊ី ហើយដកហូតបានម៉ូតូ១គ្រឿង និងទូរស័ព្ទដៃ១គ្រឿងទៀត។
លោក រ៉ឹម ម៉ិច បញ្ជាក់បន្ថែមទៀតថា បន្ទាប់ពីឃាត់ខ្លួនជនសង្ស័យឈ្មោះ ស៊ឹម សេរី ដែលមានមុខរបរជាបុគ្គលិកក្រុមហ៊ុនចិន, កម្លាំងការិយាល័យជុំនាញ បានបន្តប្រតិបត្តិទៅឆែកឆេរបន្ទប់ជួលរបស់ជនសង្ស័យ នៅខណ្ឌពោធិ៍សែនជ័យ គ្មានរកឃើញអ្វីក្រៅពីទូរស័ព្ទដៃ២គ្រឿង និងសៀវភៅស្នាក់នៅ (ក២) ចំនួន១នោះទេ ទើបសម្រេចប្រគល់បន្ទប់ជួលខាងលើឱ្យម្ចាស់ផ្ទះជាអ្នកគ្រប់គ្រងបន្ត។
លោក រ៉ឹម ម៉ិច អះអាងថា ក្នុងរង្វង់នៃប្រតិបត្តិការតាមស្រាវជ្រាវបង្ក្រាបគ្រឿងញៀននេះ មិនត្រូវបានបញ្ចប់នោះទេ រហូតមកដល់រសៀលថ្ងៃទី០៩ ខែកញ្ញា ឆ្នាំ២០២០ ដោយអនុវត្តតាមវិធានការជំនាញ និងតាមការចង្អុលបង្ហាញពីជនសង្ស័យឈ្មោះ ស៊ឹម សេរី ដដែលនេះ, កម្លាំងការិយាល័យជុំនាញ បានតាមស្រាវជ្រាវរហូតដល់ស្រុកឈូកខេត្ដកំពត ហើយឈានដល់ការឃាត់ខ្លួនស្ត្រីម្នាក់បន្ថែមទៀតឈ្មោះ ហេង សុខឃីម និងដកហូតបានក្រាមពណ៌សថ្លាសង្ស័យជាគ្រឿងញៀនចំនួន០៥កញ្ចប់ថង់ធំ មានទម្ងន់៥៩៨,៤៨ក្រាម (ប្រាំរយកៅសិបប្រាំបីក្រាមសែសិបប្រាំបី) រថយន្ដម៉ាកលុចស៊ីស៤៧០ ពណ៌ខ្មៅ១គ្រឿង ពាក់ផ្លាកលេខ ភ្នំពេញ 2BB-7674 និងបន្ដធ្វើការឆែកឆេរផ្ទះរបស់ជនសង្ស័យជាស្ត្រីរូបនេះ រកឃើញក្រាមពណ៌សថ្លាសង្ស័យជាគ្រឿងញៀន១កញ្ចប់ថង់តូច និងថង់សម្រាប់ច្រកគ្រឿងញៀន មួយចំនួន រួមនិងវិញ្ញាបនបត្រសម្គាល់អចលនវត្ថុ ចំនួន១០ប័ណ្ណ (ប្លង់ដី)។ ជាមួយគ្នានេះដែរ ចំពោះទីតាំងផ្ទះគ្មានលេខ ផ្លូវជាតិលេខ៣ ភូមិយាយឡ ឃុំត្រាំកក់ ស្រុកត្រាំកក់ ខេត្ដតាកែវ ដែលជាទីតាំងរបស់ស្ត្រីជួញដូរគ្រឿងញៀន ត្រូវបានលោកព្រះរាជអាជ្ញា នៃអយ្យការអមសាលាដំបូងខេត្ដតាកែវ សម្រេចប្រគល់ឲ្យអាជ្ញាធរមូលដ្ឋានជាអ្នកគ្រប់គ្រងបណ្ដោះអាសន្ន។
លើសពីនេះ លោកព្រះរាជអាជ្ញារង បានសម្រេចឲ្យនាំខ្លួនជនសង្ស័យ រួមទាំងវត្ថុតាង ដែលពាក់ព័ន្ធទាំងអស់ យកមកការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ដើម្បីធ្វើការបន្តសាកសួរ និងកសាងសំណុំរឿងចាត់ការតាមនីតិវិធី។
សូមជម្រាប ដោយមានការបញ្ជាពីឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អោយលោកស្នងការរងទទួលផែនការងារប្រឆាំងគ្រឿងញៀន លោកឧត្តមសេនីយ៍ទោ ហួត ចាន់យ៉ារ៉ាន់ និងស្ថិតក្រោមការសម្របសម្រួលដោយលោក ឆាយ ហុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ, កម្លាំងការិយាល័យប្រឆាំងគ្រឿងញៀន កាលពីថ្ងៃទី០៦ ខែកញ្ញា ឆ្នាំ២០២០ បានចុះអនុវត្តវិធានញុះញង់បង្ក្រាបជាក់ស្ដែងករណីជួញដូរគ្រឿងញៀន នូវជុំហ៊ានដំបូងឃាត់ខ្លួនជនសង្ស័យម្នាក់ ដោយដកហូតបានថ្នាំញៀន១កញ្ចប់ធំល្មម រថយន្ដ១គ្រឿង និងទូរស័ព្ទដៃ២គ្រឿង ស្ថិតនៅចំណុចផ្លូវសហព័ន្ធរុស្ស៉ី សង្កាត់ទឹកល្អក់ទី១ ខណ្ឌទួលគោក។
នេះបើតាមការបញ្ជាក់ជារបាយការណ៍របស់លោកវរសេនីយ៍ឯក រ៉ឹម ម៉ិច នាយការិយាល័យប្រឆាំងគ្រឿងញៀន ដែលបានរាយការជូនឧត្តមសេនីយ៍ទោ ហួត ចាន់យ៉ារ៉ាន់ ស្នងការរងទទួលផែនការងារប្រឆាំងគ្រឿងញៀននិងគោរពជូនឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ដែលអ្នកយកព័ត៌មានអង្គភាព Fresh News លោក ហាស់ កំសាន្ដ ទទួលបាននៅល្ងាចថ្ងៃទី០៧ ខែកញ្ញា ឆ្នាំ២០២០នេះ។
របាយការណ៍របស់លោកវរសេនីយ៍ឯក រ៉ឹម ម៉ិច នាយការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ បញ្ជាក់ថា បន្ទាប់ពីអនុវត្តវិធានញុះញង់ ហើយឈានដល់ការឃាត់ខ្លួនជនសង្ស័យបានម្នាក់, កម្លាំងរបស់ការិយាល័យបានបន្តស្រាវជ្រាវភ្លាមៗតាមជុំនាញ រហូតឈានដល់ការបង្ក្រាបឃាត់ខ្លួនបក្ខពួកជនសង្ស័យម្នាក់បន្ថែមទៀត ហើយដកហូតបានម៉ូតូ១គ្រឿង ស្ថិតនៅចំណុចផ្លូវបេតុង សង្កាត់កាកាបទី២ ខណ្ឌពោធិ៍សែនជ័យ៕

ទេសាភិបាលរងធនាគារជាតិ ចូលរួមកិច្ចប្រជុំតាមរយៈ video conference ជាមួយប្រធាន IMF-CDOT ដើម្បីពិភាក្សាការងារ និងថ្លែងអំណរគុណពីការផ្តល់ប្រឹក្សាជំនួយបច្ចេកទេសកន្លងមក

KKKចំនួនអ្នកទស្សនា: Views

ក្នុងអំឡុងពេលនៃបេសកកម្មរបស់លោកទាំងពីរ ធនាគារជាតិនៃកម្ពុជា បានទទួលការបណ្តុះបណ្តាល និងអភិវឌ្ឍធនធានមនុស្សទៅលើគោលនយោបាយ និងប្រតិបត្តិការរូបិយវត្ថុ ការត្រួតពិនិត្យធនាគារ ការវិភាគស្ថានភាពម៉ាក្រូសេដ្ឋកិច្ច និងយន្តការលើកកម្ពស់ការប្រើប្រាស់ប្រាក់រៀលជាដើម។
ក្នុងឱកាសនោះ ក៏មានការពិភាក្សាលើកឡើងពីទិសដៅជាអាទិភាពសម្រាប់ជំនាញការថ្មីដែលនឹងមកបន្តបេសកកម្មនាពេលខាងមុខផងដែរ៕

ស្វែងយល់៖ ឈុតអវកាសទាំងឡាយដែលទីភ្នាក់ងារអវកាសអាមេរិក NASA ធ្លាប់ប្រើ, កំពុងប្រើ ហើយនឹងប្រើនាពេលអនាគត

KKKចំនួនអ្នកទស្សនា: Views

* ឈុត Mercury (១៩៦១-១៩៦៣)
គម្រោង Project Mercury គឺជាពេលដែលពលរដ្ឋអាមេរិកដំបូងគេ បានធ្វើដំណើរឡើងទៅដល់គន្លងអវកាសក្បែរផែនដីយើង។ ឈុតនេះត្រូវបាន NASA កែច្នៃបន្ថែមចេញពី ឈុតដែលអាកាសយានិករបស់កងទ័ពជើងទឹកអាមេរិក ស្លៀកពេលបើកយន្តហោះ ក្នុងបេសកកម្ម ដែលតម្រូវឲ្យស្ថិតនៅរយៈកម្ពស់ខ្ពស់ខ្លាំង។ អវកាសយានិកអាមេរិក៦នាក់ធ្លាប់ស្លៀកឈុតនេះឡើងទីអវកាស មុនពេល NASA សម្រេចបញ្ឈប់ការប្រើប្រាស់វា។
* ឈុត Gemini (១៩៦៥-១៩៦៦)
គម្រោង Project Gemini គឺជាកម្មវិធីអវកាសទីពីររបស់អង្គការ NASA។ ឈុត Gemini ត្រូវបានរចនាឡើងដោយក្រុមហ៊ុនឈ្មោះ David Clark ជាមួយគោលដៅឲ្យវាងាយស្រួលក្នុងការធ្វើចលនា ហើយមានផាសុខភាពជាងមុនសម្រាប់អវកាសយានិក។ ទោះ ជាបែបនេះក្តី វាមានទម្ងន់ចន្លោះខ្ទង់៧គីឡូក្រាម។
* ឈុត Gemini G4C (១៩៦៥-១៩៦៦)
ឈុតអវកាស Gemini ប្រភេទ G4C ត្រូវបានរចនាឡើង ដើម្បីឲ្យអវកាសយានិកអាចចាកចេញពីយានបាន ហើយបណ្តែតខ្លួន ក្នុងទីអវកាស។ ឈុតប្រភេទ G4C អាចមានទម្ងន់រហូតដល់១៧គីឡូក្រាម។ ឈុតអវកាសដែលគេប្រើក្នុងយានអវកាស គឺជាការ ការពារក្នុងករណីដែលមានការលេចធ្លាយសម្ពាធក្នុងយានអវកាស ខណៈឈុតដូច Gemini G4C នេះ គឺសម្រាប់ការពារអវកាស យានិក នៅក្នុងលំហអវកាសផ្ទាល់តែម្តង។
* ឈុត Apollo (១៩៦៧-១៩៧៥)
អំឡុងបេសកកម្មនេះ NASA បានអភិវឌ្ឍឈុតអវកាសថ្មីផ្សេងទៀត ដែលផ្តល់ការការពារជាពិសេស សម្រាប់អវកាសយានិក ពីបរិស្ថាននៅលើផ្ទៃព្រះច័ន្ទ។ ឈុត Apollo អាចប្រើបានរយៈពេល៤ម៉ោង នៅក្រៅយានអវកាស។ ឈុតនេះនៅលើផែនដីយើង មានទម្ងន់៨០គីឡូក្រាម ប៉ុន្តែលើផ្ទៃព្រះច័ន្ទដែលមានកម្លាំងទំនាញទាប គឺវាមានទម្ងន់ប្រហែល១៣គីឡូក្រាមប៉ុណ្ណោះ។
* ឈុត Space Shuttle ដំបូង (១៩៨១)
បេសកកម្មហៅថា STS-1 (Space Transportation System-1) គឺបេសកកម្មដំបូងនៃកម្មវិធីយាន Space Shuttle របស់ NASA។ ក្នុងបេសកកម្មនោះ យាន Space Shuttle ឈ្មោះ Columbia បាននាំយកអវកាសយានិកអាមេរិក២នាក់ ឡើងទៅកាន់ទីអវកាស ហើយធ្វើដំណើរនៅក្បែរផែនដីរយៈពេល៣៧នាទី មុនពេលត្រឡប់ចូលក្នុងស្រទាប់បរិយាកាស និងសំកាំងខ្លួនមកចុះចតនៅលើ ផ្ទៃភពរបស់យើងវិញ។
ដោយសារពេលនោះ អវកាសយានិកទាំងពីរនាក់មិនបានត្រូវចាកចេញពីយានអវកាស ដូច្នេះពួកគេស្លៀកតែឈុតអវកាសធម្មតា ប៉ុណ្ណោះ ដែលដូចទៅនឹងករណីឈុត Mercury ដែរ គឺវាត្រូវបានច្នៃចេញមកពីឈុតដែលអាកាសយានិករបស់កងទ័ពជើងអាកាស អាមេរិក ប្រើប្រាស់ក្នុងបេសកកម្មដែលនៅរយៈកម្ពស់ខ្ពស់ខ្លាំង។
* ឈុត Space Shuttle ផ្លូវការ (១៩៨៨-២០១១)
ឈុតសម្លៀកបំពាក់ដែលអវកាសយានិកអាមេរិកប្រើប្រាស់ជាផ្លូវការ អំឡុងបេសកកម្ម Space Shuttle គឺពេលខ្លះត្រូវគេហៅថា «ឈុតល្ពៅ» ដោយសារពណ៌របស់វា។
* ឈុត Extravehicular Mobility Unit ឬ EMU (១៩៨៣-បច្ចុប្បន្ន)
អវកាសយានិកអាមេរិកសម័យកម្មវិធី Space Shuttle តែងតែត្រូវធ្វើការងារជាប្រចាំនៅក្នុងលំហអវកាសផ្ទាល់ ដើម្បីពិនិត្យមើល ផ្កាយរណប ព្រមទាំងសាងសង់ និងជួលជុលស្ថានីយអវកាសអន្តរជាតិ (ISS)។ ដូច្នេះពួកគេត្រូវការឈុតអវកាសពិសេសមួយ ហើយ NASA ក៏បានបង្កើតឈុត EMU ឡើង។ ឈុតនេះមានស្រទាប់ការពារ១៤ស្រទាប់ និងអាចទ្រទ្រង់ជីវិតអវកាសយានិក បានរហូតដល់៨ម៉ោង។ នៅលើផ្ទៃផែនដីវាអាចមានទម្ងន់ដល់ទៅខ្ទង់១៤០គីឡូក្រាម។
អង្គការ NASA ក៏មានឧបករណ៍ដែលដូចជាកាបូបស្ពាយធំមួយនៅខាងក្រោយផងដែរសម្រាប់ឈុត EMU ហៅថា MMU (Manned Maneuvering Unit)។ វាអនុញ្ញាតឲ្យអវកាសយានិកផ្លាស់ទីដោយសេរី និងមិនចាំបាច់ត្រូវចងខ្សែភ្ជាប់នៅនឹង ស្ថានីយ ISS នោះទេ។ សព្វថ្ងៃនេះ អវកាសយានិកអាមេរិកនៅលើស្ថានីយ ISS ប្រើប្រាស់ឈុត EMU ដែលទំនើបជាងឈុត EMU ដើម ដើម្បីមើលថែទាំស្ថានីយអវកាសអន្តរជាតិនេះ។
ឈុតអវកាស EMU ត្រូវបានរចនាឡើងដំបូងជាមួយអាយុកាលប្រើប្រាស់តែ១៥ឆ្នាំប៉ុណ្ណោះ។ បច្ចុប្បន្ន ក្នុងចំណោមឈុត EMU ដើមចំនួន១៨ឈុត មានត្រឹមតែ១១ឈុតទេ ដែលកំពុងបន្តស្ថិតក្រោមការប្រើប្រាស់ ហើយក្នុងចំណោម១១ឈុតនោះ ៤ឈុត ស្ថិតនៅលើស្ថានីយ ISS។
* ឈុត Sokol (បច្ចុប្បន្ន)
ឈុតអវកាសនេះ គឺយើងទាំងអស់គ្នាឃើញអវកាសយានិកប្រើសព្វថ្ងៃ ពេលពួកគេចេញដំណើរចេញពីផែនដី ឬត្រឡប់ចុះមក វិញ ហើយតាមពិតវាគឺជាឈុតអវកាសរបស់ប្រទេសរុស្ស៉ី។ ឈុតអវកាសទម្ងន់ជិត១០គីឡូក្រាមនេះ ត្រូវបានប្រើប្រាស់សម្រាប់ អវកាសយានិកទាំងឡាយ ដែលធ្វើដំណើរនៅក្នុងយានអវកាសរុស្ស៉ី Soyuz។
ចាប់តាំងពីកម្មវិធីយាន Space Shuttle របស់ខ្លួនចូលនិវត្តន៍កាលពីឆ្នាំ២០១១ អង្គការ NASA បានពឹងផ្អែកលើយានរុស្ស៉ីរហូតមក ក្នុងការបញ្ជូនអវកាសយានិកអាមេរិកឡើង-ចុះស្ថានីយ ISS។
* ឈុត Crew Dragon
ទោះបានពឹងផ្អែកលើរុស្ស៉ីអស់ច្រើនឆ្នាំក៏ដោយ ឥឡូវអង្គការ NASA កំពុងតែងាកមកត្រៀមប្រើប្រាស់យានរបស់អាមេរិក ដើម្បី បញ្ជូន អវកាស យានិកខ្លួនឡើងទៅស្ថានីយអវកាសអន្តរជាតិវិញ។ NASA បានចុះកិច្ចព្រមព្រៀងជាមួយក្រុមហ៊ុនអាមេរិកចំនួន២ គឺ SpaceX និង Boeing ដើម្បីអភិវឌ្ឍយានអវកាសសម្រាប់ដឹកជញ្ជូនអវកាសយានិកអាមេរិក។
ថ្មីៗកន្លងទៅនេះ NASA និង SpaceX ទើបតែបញ្ជូនអវកាសយានិក២នាក់ ឡើងទៅស្ថានីយអវកាសអន្តរជាតិ តាមរយៈយាន Crew Dragon របស់ SpaceX។ កំឡុងពេលនោះ អវកាសយានិកទាំង២នាក់របស់ NASA ស្លៀកឈុតអវកាស ដែលត្រូវបាន រចនាឡើងដោយក្រុមហ៊ុន SpaceX។ បេសកកម្មនោះ ជាការធ្វើតេស្តដឹកជញ្ជូនអវកាសយានិកជាលើកដំបូងរបស់យាន Crew Dragon។
* ឈុត Starliner
វាឈុតរបស់យានអវកាសក្រុមហ៊ុន Boeing ដែលមើលទៅមានពណ៌យ៉ាងលេច គឺពណ៌ខៀវ និងទម្ងន់ជាង៥គីឡូក្រាម។ អវកាសយានិករបស់ NASA មិនទាន់បានប្រើ ឈុតនេះនៅឡើយទេ ព្រោះការធ្វើតេស្តដឹកជញ្ជូនអវកាសយានិករបស់យាន CST-100 Starliner មិនទាន់ប្រព្រឹត្តទៅនោះទេ។
* ឈុត Artemis
កាលពីខែតុលា ឆ្នាំ២០១៩ អង្គការ NASA បានបង្ហាញគំរូឈុតអវកាសថ្មីចំនួនពីរ សម្រាប់កម្មវិធី Artemis ដែលជាគម្រោងបញ្ជូន អវកាសយានិកអាមេរិកទៅកាន់ផ្ទៃព្រះច័ន្ទជាថ្មីម្តងទៀតនៅឆ្នាំ២០២៤។ ក្នុងនោះឈុតពណ៌ស លាយខៀវនិងក្រហមហៅថា xEMU ជាឈុត សម្រាប់ការចុះដើរនៅផ្ទៃព្រះច័ន្ទ និងឈុតពណ៌ទឹកក្រូចសម្រាប់ការជិះក្នុងយានអវកាស Orion ហៅថា Orion Crew Survival System៕
ប្រភព៖ វែបសាយ Business Insider




ទេសរដ្ឋមន្ដ្រី គន់ គីម អញ្ជើញប្រកាសទទួលស្គាល់លោក ប្រាក់ សុវណ្ណ ជាប្រធានកិត្តិយសសមាគមអតីតយុទ្ធជនខេត្តព្រះវិហារ

KKKចំនួនអ្នកទស្សនា: Views


(ព្រះវិហារ)៖ ទេសរដ្ឋមន្រ្តី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា ក្នុងនាមសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងជាប្រធានសមាគម បានអញ្ជើញជាអធិបតីក្នុងពិធីប្រកាសទទួលស្គាល់ លោក ប្រាក់ សុវណ្ណ ជាប្រធានកិត្តិយសសមាគមអតីតយុទ្ធជនខេត្តព្រះវិហារ ចែកប័ណ្ណមូលនិធិសមធម៌សុខាភិបាល ជូនអតីតយុទ្ធជន និងសួរសុខទុក្ខអតីតយុទ្ធជន ១២០នាក់ នៅព្រឹកថ្ងៃទី០៦ ខែមិថុនា ឆ្នាំ២០២០នេះ។
ថ្លែងក្នុងឱកាសនោះ ទេសរដ្ឋមន្រ្តី គន់ គីម បានផ្តាំផ្ញើសួរសុខទុក្ខពី សម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់បងប្អូនអតីតយុទ្ធជនដែលជានិច្ចជាកាល សម្តេចទាំងពីរ តែងតែគិតគូដល់សុខទុក្ខបងប្អូន និងឲ្យលោកផ្ទាល់ ក្នុងនាមអគ្គលេខាធិការ ដែលជាសេនាធិការឲ្យសម្តេចតេជោ ហ៊ុន សែន ចុះជួប និងដោះស្រាយបញ្ហាជូនបងប្អូន ជាបន្តបន្ទាប់នៅទូទាំងប្រទេស។
បន្ថែមពីនេះ ទេសរដ្ឋមន្ដ្រី គន់ គីម ក៏បានថ្លែងកោតសរសើរ និងវាយតម្លៃខ្ពស់ ចំពោះការខិតខំបំពេញភារកិច្ចយ៉ាងសកម្ម និងដោយស្ម័គ្រចិត្តរបស់ថ្នាក់ដឹកនាំ សមាគមគ្រប់ថ្នាក់ នៅក្នុងខេត្តទាំងមូល ធ្វើឲ្យការងារសមាគមដំណើរការទៅគួរឲ្យកត់សម្គាល់។តាមរបាយការណ៍ សមាគមអតីតយុទ្ធជនកម្ពុជាខេត្តព្រះវិហារ បានឲ្យដឹងថា ក្នុងឆ្នាំកន្លងមកសមាគមអតីតយុទ្ធជនខេត្ត សម្រេចបាននូវលទ្ធផលសំខាន់ៗ ជាច្រើនដូចជា៖ បានបើកប្រាក់មរណសង្គ្រោះ ជូនគ្រួសារសពអតីតយុទ្ធជន៣៣ គ្រួសារ ក្នុងមួយគ្រួសារ៤លានរៀល, បានសាងសង់ផ្ទះអំណោយសម្តេចតេជោ និងសម្តេចកត្តិព្រឹទ្ធបណ្ឌិត ជូនគ្រួសារអតីតយុទ្ធជន ដែលមានជីវភាពលំបាកបាន៦៤ខ្នង។
ចំពោះការងារត្រូវធ្វើបន្តនាពេលខាងមុខ ទេសរដ្ឋមន្ដ្រី គន់ គីម បានណែនាំឲ្យថ្នាក់ដឹកនាំសមាគមគ្រប់ថ្នាក់៖
*ទី១៖ បន្តការចុះសួរសុខទុក្ខអតីតយុទ្ធជន ដើម្បីស្វែងយល់ពីស្ថានភាពជីវភាព សុខភាព និងមានវិធានការជួយពួកគាត់ ពេលមានបញ្ហាឲ្យទាន់ពេលវេលា យកចិត្តទុកដាក់អ្នកដែលរងការលំបាកពីជំងឺ COVID-19។
*ទី២៖ ថ្នាក់ដឹកនាំសមាគមគ្រប់ថ្នាក់ ត្រូវរៀបចំកសាង ទីស្នាក់ការអតីតយុទ្ធជន នៅតាមបណ្តាថ្នាក់របស់ខ្លួនដើម្បីមានកន្លែងធ្វើការរបស់ខ្លួន។ ដោយឡែក មេប៉ុស្តិ៍រដ្ឋបាលត្រូវយកចិត្តទុកដាក់សមាជិកអតីតយុទ្ធជន នៅក្នុងឃុំរបស់ខ្លួន
*ទី៣៖ ថ្នាក់ដឹកនាំសមាគមខេត្ត ត្រូវសហការជាមួយស្ថាប័នជំនាញ ធ្វើជាសេនាធិការឲ្យអភិបាលខេត្ត រៀបចំលិខិតស្នើសុំដីទៅក្រសួងពាក់ព័ន្ធ ដើម្បីស្នើសុំសម្តេចតេជោ កសាងផ្ទះជូនបងប្អូនដែលអត់ដីអត់ផ្ទះ និងអ្នករស់នៅលើដីសាធារណៈ ដែលនៅសល់ចំនួន១៦៦គ្រួសារ ជាបន្តទៀត។
*ទី៤៖ សូមឲ្យអតីតយុទ្ធជនត្រូវរួមសាមគ្គី ឯកភាពគ្នាជឿជាក់ គាំទ្រការដឹកនាំរបស់សម្តេចតេជោ ហ៊ុន សែន និងចូលរួមអនុវត្តគោលនយោបាយភូមិ ឃុំមានសុវត្ថិភាព ដោយធ្វើជាភ្នាក់ងាររាយការណ៍ ឲ្យប៉ុស្តិ៍រដ្ឋបាលដើម្បីផ្តល់ព័ត៌មានពីភាពមិនប្រក្រតី និងបទល្មើសផ្សេងៗ នៅក្នុងមូលដ្ឋានដើម្បីភូមិ ឃុំមានសន្តិសុខ សណ្តាប់ធ្នាប់។
ជាចុងក្រោយ ក្នុងនាមសម្តេចតេជោ ហ៊ុន សែន ទេសរដ្ឋមន្ដ្រី គន់ គីម ក៏បានឧបត្ថម្ភបងប្អូនអតីតយុទ្ធជន ទាំង១២០នាក់ ក្នុងម្នាក់ៗថវិកា៣ម៉ឺនរៀល និងអង្ករ២៥គីឡួក្រាមផងដែរ៕

ឃាតខ្លួនជនសង្ស័យម្នាក់ពីបទរលោភ សេពសន្ថវ: លើអនីតិជន

KKKចំនួនអ្នកទស្សនា: Views

កណ្ដាល ៖ នគរបាល​ស្រុក​ពញាឮ ឃាត់ខ្លួន​ជនសង្ស័យ​ម្នាក់ ករណី​រំលោភ​សេពសន្ថវៈ​លើ​អនីតិជន​អាយុ​ក្រោម​១៥​ឆ្នាំ ដើម្បី​យកមក​អធិការដ្ឋាន​នគរបាល​ស្រុក​ចាត់ការ​តាម​នីតិវិធី​ច្បាប់ ។​
​ករណី​ចាប់ខ្លួន​នេះ​ធ្វើឡើង​នៅ​ថ្ងៃទី​១ ខែមិថុនា ឆ្នាំ​២០២០ ដែល​ហេតុការណ៍​នេះ បាន​កើតឡើង​កាលពី​កំឡុង​ខែមេសា ឆ្នាំ​២០២០ វេលា​ម៉ោង​១៥​រសៀល ត្រង់ចំណុច​ក្នុងព្រៃ​ខាងជើង​ភូមិ អំពិល​ដាំទឹក ឃុំ​វិហារ​លួង ស្រុក​ពញាឮ ខេត្តកណ្តាល​។​
​មន្ត្រីនគរបាល​ស្រុក​ពញាឮ​បាន​ឲ្យ​ដឹងថា ជនសង្ស័យ​ចាប់ខ្លួនបាន​ឈ្មោះ មាស សារ៉ាត់ ភេទ​ប្រុស អាយុ​៣៣​ឆ្នាំ ជនជាតិខ្មែរ មុខរបរ កម្មករសំណង់​​មាន​ទីលំនៅ​ភូមិ​អំពិល​ដាំទឹក ឃុំ​វិហារ​ហ្លួង ស្រុក​ពញាឮ ខេត្តកណ្តាល (​បានធ្វើ​តេស្ត​រួច​មាន​សារធាតុ​ញៀន​នៅក្នុង​ទឹកនោម​)​។ ចំណែក​ក្មេងស្រី​រងគ្រោះ​មាន​អាយុ​៨​ឆ្នាំ មាន​ទីលំនៅ​ភូមិ​ឃុំ​ជាមួយ​ជនសង្ស័យ​។
​ប្រភព​ដដែល​បន្តថា កាលពី​ថ្ងៃកើតហេតុ ជនសង្ស័យ​បាន​និយាយ​លួងលោម​ក្មេងស្រី​រងគ្រោះ​ដោយ​កុហកថា ទៅ​បេះ​ផ្លែ​ឈូក​ត្រង់ចំណុច​បឹង​វាល​ប្រាំង​ខាង​ជើងវត្ត​ព្រះវិហារ​សំណ ក្នុងភូមិ​សាស្ត្រ​កើតហេតុ​ខាងលើ ក្មេងស្រី​រងគ្រោះ​ក៏​យល់ព្រម​ទៅជា​មួយ ។ លុះដល់​ចំណុចកើតហេតុ ជនសង្ស័យ​ឲ្យ​ក្មេងស្រី​រងគ្រោះ​លេង​ប្រដាប់ភេទ​របស់ខ្លួន រួច​ធ្វើ​សកម្មភាព​រំលោភ​តែម្ដង ។ បន្ទាប់ពី​រំលោភ​រួច ជនសង្ស័យ​បាន​ឲ្យ​ប្រាក់​ក្មេងស្រី​រងគ្រោះ​ចំនួន​៥០០០​រៀល ដើម្បី​កុំ​ឲ្យ​និយាយប្រាប់​ឪពុកម្ដាយ ឬ​អ្នកណា​ផ្សេង​ដឹង​ឡើយ​។ រហូតមកដល់​ថ្ងៃទី​១ ខែមិថុនា ឆ្នាំ​២០២០ ក្មេងស្រី​រងគ្រោះ បាន​យក​រឿង​​ហេតុ​ទាំងអស់នេះ ប្រាប់​អ្នកជិតខាង និង​ម្តាយ​ខ្លួន​។
​បន្ទាប់ពី​ម្ដាយ​ក្មេងស្រី​រងគ្រោះ​ដឹង​រឿងហេតុ​នេះហើយ ក៏​បានមក​ដាក់ពាក្យ​បណ្តឹង​នៅ​ប៉ុស្តិ៍នគរបាល​រដ្ឋបាល​វិហារ​ហ្លួង ទើប​សមត្ថកិច្ច​ចុះ​នាំខ្លួន​ជនសង្ស័យ​មក​អធិការដ្ឋាន​នគរបាល​ស្រុក ដើម្បី​កសាង​សំណុំរឿង​ចាត់ការ​បន្ត​តាម​នីតិវិធី​ច្បាប់ ៕

ស្ពានស្ទឹងត្រង់-ក្រូចឆ្មារ សម្រេចការសាងសង់ ៨៧.៥% គ្រោងបញ្ចប់នៅដើមឆ្នាំ២០២១

KKKចំនួនអ្នកទស្សនា: Views

យោងតាម Facebook ផ្លូវការរបស់ក្រសួងសាធារណការ និងដឹកជញ្ជូន បានឱ្យដឹងទៀតថា ស្ពាននេះនឹងចូលរួមចំណែកយ៉ាងសំខាន់ ដើម្បីតភ្ជាប់ទំនាក់ទំនងការដឹកជញ្ជូន និងការធ្វើដំណើរបស់បងប្អូនប្រជាពលរដ្ឋខេត្តកំពង់ចាម និងខេត្តឃ្មុំ ដែលរស់នៅយ៉ាងច្រើនកុះករ នៅត្រើយខាងកើត និងត្រើយខាងលិចទន្លេមេគង្គឱ្យបានងាយស្រួល និងឆាប់រហ័ស។
សូមបញ្ជាក់ថា ស្ពាននេះមានប្រវែងសរុប ១,១៣១ម៉ែត្រ និងទទឹង ១៣.៥០ម៉ែត្រ ជាប្រភេទស្ពានបេតុងសរសៃដែក បានបើកការដ្ឋានសាងសង់កាលពីថ្ងៃទី០៩ ខែកុម្ភៈ ឆ្នាំ២០១៨ ដោយគ្រោងចំណាយថវិកាសរុប ៥៦.៩៩លានដុល្លារសហរដ្ឋអាមេរិក នឹងប្រើប្រាស់រយៈពេលសាងសង់ចំនួន៤២ខែ៕

 
រក្សាសិទ្ធិ: © 2022. CHORN TV ONLINE.COM -រក្សាសិទ្ទិគ្រប់យ៉ាង រចនាដោយ: WEBSITE ចាងហ្វាងការផ្សាយស្នាក់ការកណ្តាល :ទីស្នាក់ការកណ្តាល / ភូមិ ត្រើយ ទន្លាប់/ ឃុំ ព្រះបាទ ជាន់ជុំ / ស្រុក គីរីវង្ស / ខេត្តកែវ / ទំនាក់ទំនង /Te: 017441955 / 0973801217 /087506436