សមត្ថកិច្ចជំនាញបានធ្វើការបង្ក្រាប និងឃាត់ខ្លួនជនសង្ស័យចំនួន ០៧នាក់

ខេត្តកំពត: នៅក្នុងភូមិសំរោង ឃុំជុំគ្រៀល ស្រុកទឹកឈូ ខេត្តកំពត កាលពីថ្ងៃទី១៥ ខែមករា ឆ្នាំ២០២០។

សមត្ថកិច្ចជំនាញបានធ្វើការបង្ក្រាប និងឃាត់ខ្លួនជនសង្ស័យចំនួន ០៧នាក់ ពាក់ព័ន្ធនឹងករណីចែកចាយ និងប្រើប្រាស់គ្រឿងញៀន ។

ជនសង្ស័យទាំង ០៧នាក់ រួមមានទី១ ឈ្មោះ ប៉ូ កុក ភេទប្រុស អាយុ ២៦ឆ្នាំ មានទីលំនៅភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត។ ទី២ ឈ្មោះ នេត ម៉ារឌី ភេទស្រី អាយុ ២២ឆ្នាំ មានទីលំនៅភូមិមណ្ឌល១ សង្កាត់លេខ២ ក្រុងព្រះសីហនុ ខេត្តព្រះសីហនុ។ ទី៣ ឈ្មោះ ឈុន ប៉ុនថារ័ត្ន ភេទប្រុស អាយុ ៣០ឆ្នាំ មានទីលំនៅភូមិសំរោង ឃុំជុំគ្រៀល ស្រុកទឹកឈូ ខេត្តកំពត។ ទី៤ ឈ្មោះ ម៉ម នួន ភេទប្រុស អាយុ ២៤ឆ្នាំ មានទីលំនៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត។ ទី៥ ឈ្មោះ លី រតនៈ ភេទប្រុស អាយុ ៣៤ឆ្នាំ មានទីលំនៅភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត។ ទី៦ ឈ្មោះ ព្រឹក ចាន់ធាម ភេទប្រុស អាយុ ៣០ឆ្នាំ មានទីលំនៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប និងទី៧ ឈ្មោះ ទុំ ស្រីកី ភេទស្រី អាយុ ១៨ឆ្នាំ មានទីលំនៅភូមិម៉ាក់ប្រាង្គ ឃុំកំពង់គ្រែង ស្រុកទឹកឈូ ខេត្តកំពត។

បច្ចុប្បន្ននេះសមត្ថកិច្ចជំនាញបានធ្វើការកសាងសំណុំរឿងជនសង្ស័យ ដើម្បីអនុវត្តបន្តតាមនីតិវិធច្បាប់៕