Sunday, February 16, 2020

សមត្ថកិច្ចឃាត់ខ្លួនជនសង្ស័យម្នាក់ បន្ទាប់ពីលួចរថយន្ត១គ្រឿង នៅស្រុកអន្លង់វែង ខេត្តឧត្តរមានជ័យ

អ្នកទស្សនា: Views
សមត្ថកិច្ចបានបញ្ជាក់ឲ្យដឹងថា ជនសង្ស័យមានឈ្មោះ ផ្លែង រ៉ាវី ភេទប្រុស អាយុ១៤ឆ្នាំ ទីលំនៅមិនពិតប្រាកដ បានធ្វើសកម្មភាពលួចរថយន្ត ១គ្រឿង ម៉ាកតូយ៉ូតាកាមរីបាឡែន ពណ៌ទឹកប្រាក់ សេរីឆ្នាំ២០០២ ពាក់ស្លាកលេខភ្នំពេញ 2AC.4702 ពីឈ្មោះ សួន ស៉ីផាន ភេទប្រុស អាយុ៥១ឆ្នាំ រស់នៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ កាលពីល្ងាចថ្ងៃទី១៤ ខែកុម្ភៈ ឆ្នាំ២០២០។
បច្ចុប្បន្ន រថយន្តត្រូវបានសមត្ថកិច្ចប្រគល់ជូនម្ចាស់វិញ ចំណែកជនសង្ស័យ ដែលមានអាយុទើបតែ១៤ឆ្នាំ ត្រូវបានសមត្ថកិច្ចកសាងសំណុំរឿង បញ្ជូនបន្តទៅចាត់ការតាមនីតិវិធី៕

0 comments:

Post a Comment