RSS Feed
Twitter
Friday, February 21, 2020
chorntvonline
សៀមរាប៖ កម្លាំងសមត្ថកិច្ចនៃការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលបស្រុកសូទ្រនិគម និងកម្លាំងការិយាល័យនគរបាលការពារ និងអន្តរាគមន៍ បានចុះបង្ក្រាប និងឃាត់ខ្លួនជនសង្ស័យចំនួន ០២នាក់ ពីបទ រក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន នៅពីរទីតាំងផ្សេងគ្នា។
ទីតាំងទី១ នៅចំណុចលំនៅដ្ឋានស្ថិតនៅភូមិគោកឬស្សីខាងជើង ឃុំដានរុន ស្រុកសូទ្រនិគម ខេត្តសៀមរាប និងឃាត់ខ្លួនជនសង្ស័យចំនួន០១នាក់។
វត្ថុតាងដកហូតបានរួមមានៈ ម្សៅមេតំហ្វេតាមីនប្រភេទទឹកកក ចំនួន០៤កព្ចាប់ ស្មើនឹងទម្ងន់ ២១.៤ក្រាម ទាំងសំបក ទូរស័ព្ទដៃចំនួន០១ គ្រឿង និង ឧបករណ៍ប្រើប្រាស់គ្រឿងញៀនមួយចំនួនទៀត។
ទីតាំងទី០២ នៅចំណុចលើដងផ្លូវស្ថិតនៅភូមិតាភុល សង្កាត់ស្វាយដង្គំ ក្រុង ខេត្តសៀមរាប និងឃាត់ខ្លួនជនសង្ស័យចំនួន០២នាក់។
វត្ថុតាងដកហូតបានរួមមានៈ ម្សៅមេតំហ្វេតាមីនប្រភេទទឹកកក ចំនួន១០កញ្ចប់ ស្មើនឹងទម្ងន់៣,២ក្រាម ទាំងសំបក និងកញ្ឆាក្រៀមចំនួន០១កញ្ចប់ ស្មើនឹងទម្ងន់ ៥,៥ក្រាមទាំងសំបក និងទូរស័ព្ទដៃចំនួន ០២គ្រឿង។
បច្ចុប្បន្ន ជនសង្ស័យត្រូវបានសមត្ថកិច្ចឃាត់ខ្លួន និងកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីអនុវត្តតាមនីតិវិធីបន្ត ៕
0 Comments:
Post a Comment