ភ្នំពេញ ៖ នៅថ្ងៃទី ១៤ ខែឧសភា ឆ្នាំ ២០២០ កម្លាំងជំនាញរបស់ការិយាល័យ សហការជាមួយកម្លាំងការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តឧត្តរមានជ័យ និងកម្លាំងវរការពារព្រំដែនលេខ ៩០៥ បានស្រាវជ្រាវឃាត់ខ្លួនជនសង្ស័យបានជាបន្តបន្ទាប់ចំនួន ០៥ នាក់ ដែលពាក់ពន្ធ័ប្រព្រឹត្តបទល្មើស អំពើហិង្សាដោយចេតនាមានស្ថានទម្ងន់ទោស (យកកាំបិតប៉័ងតោ ,ខ្សែក្រវ៉ាត់ និងមួកសុវត្ថិភាព កាប់ និងវាយបណ្តាលឲ្យជនរងគ្រោះរងរបួសជាទម្ងន់) ចំណុចម្តុំមុខផ្សារអ៊ីឌិនហ្គាឌិន ផ្លូវអ៊ែរ៦ ភូមិ១ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី៣០ ខែមេសា ឆ្នាំ ២០២០ វេលាម៉ោង ២១ និង ៣០ នាទី តាមដីកាបញ្ជាឲ្យចូលខ្លួនលេខ ១៣៨ អយគ ចុះថ្ងៃទី ១២ ខែ ឧសភា ឆ្នាំ ២០២០ ចេញដោយ លោក ហេង ផេង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ និងចាប់យកវត្ថុតាងម៉ូតូជាមធ្យោបាយជិះធ្វើសកម្មភាព បញ្ជូនមកការិយាល័យ ដើម្បីធ្វើការសាកសួរចាត់ការតាមនីតិវិធី ។
វត្ថុតាងចាប់យកមាន-ម៉ូតូម៉ាកហុងដាស្កុបពី ពណ៌ស សេរីឆ្នាំ២០១៩ លេខតួ លេខម៉ាស៊ីន ៣១៨៧៥៩០ពាក់ស្លាកលេខ ភ្នំពេញ 1HT9788, -ទូរសព្ទ័ដៃម៉ាក IPHONE X ពណ៌ស , -ម៉ូតូម៉ាកសេ១០០កូរ៉េ ពណ៌ក្រហម ពាក់ស្លាកលេខ យ៤៩៩៦ភព១ , -ទូរសព្ទ័ដៃម៉ាក OPPO ពណ៌ស ។
បច្ចុប្បន្ន ជនសង្ស័យនិងវត្ថុតាងខាងលើ ការិយាល័យបានកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ចាត់ការតាមនីតិវិធី ៕
0 Comments:
Post a Comment