៣.ការហ្វឹកហ្វឺនបង្កើនសមត្ថភាពជំនាញ របស់កងកម្លាំងអាវុធហត្ថរាជធានីភ្នំពេញ ក្រោមការដឹកនាំរបស់លោកឧត្តមសេនីយ៍ឯក រ័ត្ន ស្រ៊ាង (២៣ – ០៩ – ២០១៣ ដល់ ១៤ – ០៧ – ២០២៣)
-->
៣.ការហ្វឹកហ្វឺនបង្កើនសមត្ថភាពជំនាញ របស់កងកម្លាំងអាវុធហត្ថរាជធានីភ្នំពេញ ក្រោមការដឹកនាំរបស់លោកឧត្តមសេនីយ៍ឯក រ័ត្ន ស្រ៊ាង (២៣ – ០៩ – ២០១៣ ដល់ ១៤ – ០៧ – ២០២៣)
នារសៀល ថ្ងៃទី១៩ ខែកក្កដា ឆ្នាំ២០២៣ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានបើកកិច្ចប្រជុំផ្សព្វផ្សាយផែនការ ការពារ សន្តិសុខ សុវត្ថិភាព និងសណ្តាប់ធ្នាប់ ក្នុងពិធីបិទយុទ្ធនាការឃោសនា និងដំណើរការបោះឆ្នោតជ្រើសតាំង តំណាងរាស្ត្រ នីតិកាលទី៧ ដោយមានការចូលរួមពី លោកមេបញ្ជាការរង នាយ-នាយសេនាធិការរង ប្រធាន-អនុប្រធានមន្ទីរ នាយការិយាល័យ លោកមេបញ្ជាការ មូលដ្ឋានអាវុធហត្ថខណ្ឌទាំង១៤ និងលោកមេបញ្ជាការ-មេបញ្ជាការរង វរសេនាតូច។
លោកឧត្តមសេនីយ៍ឯក រ័ត្ន ស្រ៊ាង បានមានប្រសាសន៍ណែនាំដល់ នាយ-នាយរងអាវុធហត្ថ ដែលទទួលដឹកនាំតាមបណ្តាគោលដៅទាំងអស់ ត្រូវតែធានាឲ្យបានដាច់ខាត ទាំងមធ្យោបាយ សម្ភារគ្រឿងបំពាក់ និង កម្លាំងប្រតិបត្តិការ ដើម្បីសម្រេចនូវបេសកកម្មខាងមុខនេះឲ្យខាងតែបាន។
ក្រោយពេលសំណេះសំណាលណែនាំចប់ លោកឧត្តមសេនីយ៍ឯក រ័ត្ន ស្រ៊ាង ក៏បានផ្តាំផ្ញើ ដល់កម្លាំងអាវុធហត្ថដែលចូលរួមប្រជុំទាំងអស់ ពេលត្រលប់ទៅវិញត្រូវដាស់តឿន ក្រើនរំលឹក ដល់កម្លាំងក្រោមឱវាទរៀងៗខ្លួន ក៏ដូចជា មិត្តភក្តិ បងប្អូនសាច់ញាតិទាំងអស់ ឲ្យទៅចូលរួមបោះឆ្នោត នៅថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ ឲ្យបានគ្រប់ៗគ្នា ដើម្បីបំពេញតួនាទីជាពលរដ្ឋល្អក្នុងសង្គមកុំបីខាន៕
(ភ្នំពេញ)៖ លោក សាយ សំអាល់ រដ្ឋមន្ត្រីក្រសួងបរិស្ថាន បានជំរុញលើកទឹកចិត្ត និស្សិតជ័យលាភីអាហារូបករណ៍សាលាគោលនយោបាយសាធារណៈនៃសាកលវិទ្យាល័យជាតិសិង្ហបុរី និងកម្មវិធីអភិវឌ្ឍន៍ធនធានមនុស្សរបស់ប្រទេសជប៉ុន (JDS) ឱ្យយកចិត្តទុកដាក់លើ ២ចំណុច។
ការលើកទឹកចិត្តបែបនេះរបស់លោក សាយ សំអាល់ បានធ្វើឡើងនារសៀលថ្ងៃទី១៧ ខែកក្កដា ឆ្នាំ២០២៣ ក្នុងឱកាសលោកបានអនុញ្ញាតឱ្យនិស្សិតជយលាភីអាហារូបករណ៍ នៃកម្មវិធីអភិវឌ្ឍន៍ ធនធានមនុស្សរបស់ប្រទេសជប៉ុន (JDS) ឆ្នាំ២០២៣ ចំនួន២៥នាក់ និងនិស្សិត ជ័យលាភី អាហារូបករណ៍ នៃសាលាគោលនយោបាយសាធារណៈលីក្វាន់យូ នៃសាកលវិទ្យាល័យជាតិសិង្ហបុរី (LKY) ចំនួន៧នាក់ ដើម្បីចូលជួបសំណេះសំណាល និងគោរពសុំអនុសាសន៍ បទពិសោធន៍ដឹកនាំល្អៗពីលោករដ្ឋមន្ត្រី ។
កត្តា២ចំណុចដែលលោក សាយ សំអាល់ លើកទឹកចិត្តរួមមាន៖
ទី១៖ ការកសាងសមត្ថភាពជំនាញរបស់ខ្លួនឱ្យបានច្បាស់លាស់តាមការកំណត់របស់សាលា
និងទី២៖ ត្រូវប្រើឱកាសដ៏វិសេសវិសាលនេះ ដើម្បីសិក្សាឈ្វេងយល់អំពីសង្គមគេ និងពង្រីកទំនាក់ទំនងអន្តរជាតិ បង្កើនបំណិនជីវិត និងជំនាញនៃសតវត្សរ៍ទី២១ ក្លាយខ្លួនជាពលរដ្ឋសកលសមត្ថភាព និងជំនាញទាំងនេះ នឹងធ្វើឱ្យយុវជនកម្ពុជាកាន់តែមានភាពជឿជាក់លើខ្លួនឯងក្នុងការបំពេញកិច្ចការរបស់ខ្លួនផ្ទាល់ឆ្ពោះទៅកាន់ភាពជោគជ័យលើជីវិតការងារ គ្រួសារ និងរួមចំណែកអភិវឌ្ឍជាតិ ឱ្យដើរទាន់ដំណើរវិវត្តន៍របស់ពិភពលោកបច្ចុប្បន្ន៕